Verdes outeiros da nativa terra
durmindo nun azur de fumes quedos.
Rente de min estades, doces cumes,
pero eu estou moi lonxe, lonxe, lonxe.

Serpe de prata, río, longo espello
pasando con lecer. As túa augas
navegan no meu peito lentamente
pero eu estou moi lonxe, lonxe, lonxe.

Antigas torres en líquenes douradas,
o chafarías, as rúas silenzosas
vanme cantando un son de gaitas ledas,
pero eu estou moi lonxe, lonxe, lonxe.

Un neno loiro en preces sulagado
buscando amor. Agora vai comigo,
dentro de min, chorándome na ialma,
pero eu estou moi lonxe, lonxe, lonxe.

Un día voltarei, nativa terra,
a descansar en ti dos meus camiños,
mais non te encontrarei. En min te levo
pero eu estou moi lonxe, lonxe, lonxe.

Te puede interesar:
Literatura Gallega- Ourense Cousa de Meigas
Biblioteca Virtual Galega